2008 聖誕．香港 + 東京之旅 ~ Day 14 (赤柱)

～＊～～～～＊＊～～～～～＊＊＊～～～～～＊＊～～～～＊～

2008 聖誕．香港 + 東京之旅 ~ Day 14
2008-12-25
Thursday

～＊～～～～＊＊～～～～～＊＊＊～～～～～＊＊～～～～＊～

今日係聖誕正日！
仲係傻佬同埋傻咩第一次一齊過嘅聖誕。

我哋第一個節目就係去 UA Times Square 到睇 The Tale of Despereaux（大耳走天涯 - 粵語版）。
其實傻咩 special request 要睇哩套戲嘅廣東話版，因為想聽吓王袓藍嘅配音。
套戲就幾好睇嘅，不過我哋始終都係睇唔慣中文版喇。

睇完戲之後，我哋就去咗 Häagen-Dazs 食雪糕做 lunch。

傻佬要兩種 flavour。

而貪心嘅傻咩就要咗 4種 flavour。

之後我哋就去咗搭 40 號小巴諗住入去赤柱行吓喇。

沿途已經覺得景色好靚，天氣又好。
傻咩就最鐘意藍天再加小小白雲。

一去到就見到哩啲好得意嘅公仔。

之後我哋就係附近行吓喇。

喺赤柱行完之後，我哋就搭咗973號巴士過番海。

沿途經過海洋公園。

過咗海之後，我哋就去咗郎豪坊度食飯同埋行咗陣街。

～＊～～～～＊＊～～～～～＊＊＊～～～～～＊＊～～～～＊～

上一篇：2008 聖誕．香港 + 東京之旅 ~ Day 13

下一篇：2008 聖誕．香港 + 東京之旅 ~ Day 15 (山頂)

2008 聖誕．香港 + 東京之旅 ~ Day 13

～＊～～～～＊＊～～～～～＊＊＊～～～～～＊＊～～～～＊～

2008 聖誕．香港 + 東京之旅 ~ Day 13
2008-12-24
Wednesday

～＊～～～～＊＊～～～～～＊＊＊～～～～～＊＊～～～～＊～

今日係 shopping 日。

我哋去咗銅鑼灣同埋尖沙咀。

不過，今日平安夜，周圍都好多人。

商場入面仲有現表演添。

～＊～～～～＊＊～～～～～＊＊＊～～～～～＊＊～～～～＊～

上一篇：2008 聖誕．香港 + 東京之旅 ~ Day 12 (愉景灣 + 電車河)

下一篇：2008 聖誕．香港 + 東京之旅 ~ Day 14 (赤柱)

2008 聖誕．香港 + 東京之旅 ~ Day 12 (愉景灣 & 電車河)

～＊～～～～＊＊～～～～～＊＊＊～～～～～＊＊～～～～＊～

2008 聖誕．香港 + 東京之旅 ~ Day 12
2008-12-23
Tuesday

～＊～～～～＊＊～～～～～＊＊＊～～～～～＊＊～～～～＊～

今日我地行程嘅第一個目的地就係，傻佬完全未踏足過而又係傻咩成長嘅地方 - 愉景灣。

傻咩細個嘅時候最鍾意愉景灣嘅其中一樣就係每日都可以搭船。
雖然宜家去入去已經可以揀搭車，但係對傻咩嚟講，搭車就會失去咗住愉景灣嘅意義，所以我地今次亦都搭船入去架。

上到船，傻咩有小小失望喇，唔知係唔係宜家多咗陸路交通，攪到小咗人搭船，佢地既然唔開上層喎。
咁難得有得搭船，就梗係要幫 Big Toe 同埋 Moxy 影番啲相喇。

唔知係唔係太耐冇搭過呢，雖然維港填海填到啲船要開得好慢，但係傻咩都仲覺得啲船好快，話咁快就已經到咗喇。

落咗船之後，我地就即刻跳咗上架2號巴士去傻咩以前住嗰度 - 畔峰。
既然上得嚟，就梗係要影番啲相喇。

我哋仲爬埋上山等傻佬可以見到傻咩以前住過嘅嗰間屋喺邊添。
睇完就同 Big Toe + Moxy 去遊樂場度玩吓喇。

玩完就行樓梯落番去大白灣沙灘喇。

行行吓開始肚餓，於是我地就去搵嘢食喇。

兜咗個圈，我地最後決定試吓哩間 Zaks。
雖然今日大風咗啲，但係天氣唔錯。
為咗唔好晒咗嗰環境，我地揀咗坐出面。

啲嘢幾好食喎，連Big Toe 同埋 Moxy 都對啲嘢食好有興趣咁。

食完嘢我地就決定離開喇。

走之前又影多幾張相先，唔知幾時先會再嚟過喇。

週圍都有好多聖誕裝飾。

去完愉景灣之後，既然嚟到中上環嗰頭，所以我地就去遊哩個電車河喇。
我地喺恒心銀行對開上車，去到太古城先至落車。

～＊～～～～＊＊～～～～～＊＊＊～～～～～＊＊～～～～＊～

上一篇： 2008 聖誕．香港 + 東京之旅 ~ Day 9 (原宿 + 成田空港)

下一篇：2008 聖誕．香港 + 東京之旅 ~ Day 13

2008 聖誕．香港 + 東京之旅 ~ Day 9 (原宿 & 成田空港)

～＊～～～～＊＊～～～～～＊＊＊～～～～～＊＊～～～～＊～

2008 聖誕．香港 + 東京之旅 ~ Day 9
2008-12-20
Saturday

～＊～～～～＊＊～～～～～＊＊＊～～～～～＊＊～～～～＊～

原定行程
新宿 → 下北沢 → 新宿 → 成田機場 → 香港

實際行程
新宿 → 築地 → 新宿 → 原宿 → 新宿 → 成田機場 → 香港

～＊～～～～＊＊～～～～～＊＊＊～～～～～＊＊～～～～＊～

話咁快就嚟到我哋旅程嘅最後一日喇。
好唔捨得！

傻佬想今日再去多次築地食早餐。
之前我哋去試咗大和寿司，今次佢想試埋寿司大。
於是我哋 04:30 就起身，05:30 左右出門口，再一次搭哩個都営地下鉄嘅大江戸線向築地巿場出發。

嚟到築地巿場駅，傻咩先醒起今日係星期六，實好多人啦，唉！

不過都嚟到築地巿場駅，冇理由唔去門口睇吓就走架嘛。
因為早幾日已經嚟過，所以今次我哋好快就搵到我哋嘅目標寿司大。

雖然預咗會多人，但係真係估唔到多人成咁囉。
只不過係 06:00 左右，已經超勁多人排隊，仲要門口已經唔夠排而要排咗去街尾嗰邊。
排排吓我哋就同排喺我哋前面嘅兩個外國人傾咗陣偈，佢地話俾我哋聽原來排頭位嗰個係零晨3點幾就已經嚟到等開門喇。
嘩！真係好神心呀！
早知傻佬同傻咩之前嗰晚就唔瞓喇。
再同佢哋傾多陣就發覺原來大家都係嚟自北美洲西岸嘅遊客，只不過佢哋就係由加州嚟嘅美國人！
佢哋仲用咗佢哋嘅 iPhone 同我哋影咗張合照添！
同佢哋傾咗咁耐，條隊都冇邯過。
結果我哋放棄咗，因為傻咩驚會好趕！

於是我哋就即刻番去酒店沖涼同埋執埋啲行李，然後就落去 lobby 餐廳食早餐。
食完就番上房 check 多次 make sure 我哋執齊嘢。
然後就再落番去 lobby 度 check-out。
09:00 左右就攪掂晒，仲寄存埋啲行李添。

然後我哋就再搭JR山手線去到原宿。
因為喺我哋旅程嘅第二日，傻咩喺 International Beams Gallery 度睇仲咗一件好貴嘅短裓褸但係冇買度。
嚟到最後一日，見仲有錢淨，所以傻咩就決定番去買番佢喇。
但係我哋嚟到嘅時候太早喇，我哋係門口來來回回咁行咗十幾分鐘佢哋先至開門。

傻咩最後真係買咗件裓褸，不過就係一件中褸，而唔係當初睇仲嘅嗰一件，因為嗰件唔啱 size。
買完之後傻咩就用晒啲円喇，可以叠埋心水唔使再睇嘢，傻咩唔想簽卡喇。

然後我哋就喺原宿兜咗個圈，行行吓見到哩個。

行完原宿，我哋就番去新宿，再去多次金太郎度食晏。
食完之後，我哋就去咗 JR Highway 巴士站對面嘅鋪頭行街，因為傻佬之前喺嗰度其中一間鋪頭度睇仲咗件衫。
結果我哋唔夠 cash，所以傻佬就唯有簽卡喇。
之後我哋見仲有時間，就係附近行吓。

行到大概 13:45 左右，我哋就番去酒店攞番啲行李。

然後我哋就行番去新宿駅到搭 14:40 嘅成田エクスプレス（成田特快）去成田空港。
我哋之前嗰晚已經買定飛，所以我哋只需要直接去到月台到等車。

唔知係唔係哩幾日玩得太攰呢？
坐坐吓傻佬同埋傻咩都瞓着咗喇。
到咗成田空港之後，我哋就去搵 JAL 嘅 counter 喇。

見到排隊 check-in 嗰條龍，傻咩就非常之慶幸一早做咗 web check-in。
因為可以排另外一條隊，直接去攞 boarding pass 同埋放低啲行李，快好多。

咁就可以有時間再 shop 過喇。
之後我哋仲有時間行吓先至入閘。
經過一間 CD鋪，傻佬又買多咗一隻 Flow 嘅 CD。
買完之後，我哋就過 custom，然後就去食嘢，食完嘢先慢慢去到閘口。

今次哩班機比起嚟東京嗰班滿好多，不過我哋亦都好好彩咁，又係兩個人坐三個位。
影咗幾張相之後，我哋又瞓覺喇。

話咁快我哋就番到香港喇。
然後我哋就搭機場快線去九龍再打的去 YMCA Salsubury check-in 喇。
今次一住就成差唔多兩個星期，所以就梗係冇 free upgrade 喇。

～＊～～～～＊＊～～～～～＊＊＊～～～～～＊＊～～～～＊～

上一篇：2008 聖誕．香港 + 東京之旅 ~ Day 8 (上野 + 浅草 + 台場)

下一篇：2008 聖誕．香港 + 東京之旅 ~ Day 12 (愉景灣 + 電車河)

2008 聖誕．香港 + 東京之旅 ~ Day 8 (上野 & 浅草 & 台場)

～＊～～～～＊＊～～～～～＊＊＊～～～～～＊＊～～～～＊～

2008 聖誕．香港 + 東京之旅 ~ Day 8
2008-12-19
Friday

～＊～～～～＊＊～～～～～＊＊＊～～～～～＊＊～～～～＊～

原定行程
新宿 → 築地 → 上野 → 浅草 → 台場 → 新宿

實際行程
新宿 → 上野 → 新宿 → 浅草 → 台場 → 新宿

～＊～～～～＊＊～～～～～＊＊＊～～～～～＊＊～～～～＊～

今日本來傻咩 plan 咗去多一次築地市場度食多一次新鮮寿司做早餐。
但係傻佬話唔想咁早起身，所以就取消咗喇。
結果我哋 08:00 左右先至落去 Tribeks 食早餐。
09:15 左右先離開酒店，然後乘搭JR山手線就可以去到上野駅。

我哋嚟上野其實只係有兩間鋪頭要去，就係 Yamashiroya 同埋二木の菓子。

我哋離開咗上野駅就即刻過咗去對面嘅 Yamashiroya 哩間玩具店。
真係估唔到我哋嚟到哩到會仲買得多嘢過喺表参道嘅 Kiddyland 囉。
傻佬同傻咩都分別買咗小小嘢嚟送俾人同埋一隻公仔俾自己。

買完玩具我哋就過咗去二木の菓子度買嘢食喇。
傻咩買咗兩大包磯燒元貝同埋一包魷魚俾自己食，又買咗啲禮盒裝嘅草餅拎番去公司做手信。

但係我哋買完之後發覺我哋拎住太多嘢，而且哩個只不過係我哋今日旅程嘅開始，就算毎個地方搵 locker 都好會麻煩同埋好貴。
所以傻佬就提議我哋先番去酒店放低啲嘢，然後喺新宿嗰邊食埋晏先再繼續我哋今日嘅行程。

於是我哋就再搭番JR山手線番去新宿。

放低晒啲戰利品之後，我哋就諗吓去邊度食晏。

都嚟到尾二嘅一日，所以傻佬就提議再過去歌舞伎町嗰邊睇吓金太郎有冇開門。
今次終於開咗門喇！
好彩我哋再去試吓咋，真係要多謝傻佬！

一入到去我哋就首先就買咗食劵。

然後畀低 server 哥哥，再自己沖茶，然後就等 server 哥哥攞嘢食嚟畀我地。

傻佬就揀咗マグロ三味丼，而傻咩就揀咗期待已久嘅極上ウ二丼。

傻咩就覺得幾好味，又抵食喎！
不過就梗係唔夠築地嘅新鮮寿司好食啦。

食完嘢我哋又再搭番JR山手線去上野駅，然後再轉東京メトロ銀座線去浅草。

其實傻咩揀今日嚟浅草係因為喺浅草寺有一年一度嘅羽子板巿，而且今日仲要係最後一日添！

嚟到浅草寺嘅入口雷門已經覺得好人頭湧湧喇。

羽子板巿真係好熱鬧，都幾人山人海喇。

好唔容易先至可以迫到埋去影吓啲羽子板。

幾經辛苦，我哋終於行到入去本堂！

我哋都有祈福架，不過就冇跟足晒所有嘅步驟。

祈完福我哋就離開咗浅草寺，行去浅草水上バス乗船場。

因為我哋打算坐東京都観光汽船去我哋嘅下一個目的地 － 台場！
雖然要 transfer，但係因為傻咩想影相，所以我哋就選擇咗搭有露天甲板嘅普通觀光船。
我地首先搭隅田川線由浅草去到日の出桟橋，然後再搭お台場線去到お台場海浜公園。

真係估唔到連哩小小観光汽船，佢哋都咁好服務，企晒行到歡迎所有登船嘅人。

終於開船喇。

上咗船見唔係好多人，Big Toe 同埋 Moxy 就出嚟影吓相喇。

全程穿過 14 條橋，當然最後會經過彩虹橋啦！

途中嘅景色都好靚架。

船內都好闊絡喇。

嚟到日の出桟橋之後，我哋就要離開哩隻船喇。
然後再搭お台場線前往到お台場海浜公園。

轉咗船之後，我哋就即刻上咗去露天甲板影吓相先。

影咗一陣，船就開喇，風都幾大，所以我哋就番落去，唔想吹親喇。

而當我哋去到台場嘅時候就啱啱係黃昏。

落船嘅時候都彩虹橋都仲未開燈，我哋一上到岸就開咗喇！

之後我哋就喺お台場海浜公園附近影咗啲相。

週圍都好多聖誕裝飾，仲有人現場表演添。

然後我哋就去咗 Aqua City Odaiba 行街街喇。
傻咩喺 Agnes b 買咗個袋俾媽咪，而傻佬就喺一間鋪頭到買咗頂 cap 帽。

然後我哋就過咗去 Venus Fort 嗰邊行喇。
好意外地，又再次見到 Graniph 喇！
我哋又買多幾件 tee。
行咗個圈發覺冇乜嘢咁我地睇，終是我哋就諗住過去坐哩個 Palette Town 大観覧車。

點知我哋穿過 Venus Fort Family 嘅時候就見到哩間非常之大嘅 Colour World，見到有好多挾公仔機，所以我哋就諗住去打個 round 睇吓有啲咩挾喇。
行咗冇耐發覺有隻中型 size 嘅 Jack Skellington 好似之前俾人挾過吓而又差小小就可以得手，所以我哋就決定試吓喇。
點知，我哋只係用咗 100円就攞到哩隻 Jack Jack 番嚟喇！
傻佬好嘢！

行吓行吓傻咩己經有咗目標喇，就一隻大 BB 版嘅 Donald Duck 或者 Pluto。
但係我哋用咗 2000円都挾唔到。
傻咩有啲失望，不過都冇辦法啦。

我哋然後就去咗坐大観覧車，初初遠睇見到好似唔係好喐嘅仲以為冇開添。
行到過去 先發原來係佢喐得比較慢，所以之前唔覺眼。

因為傻佬同埋傻咩都畏高，所以我哋只係坐咗啲普通車廂。

雖然有啲大廈阻住咗小小，但係都見到東京鉄塔同埋彩虹橋。
睇夜景唔夠六本木嘅 Tokyo City View 靚，不過就勝在唔會有人阻住傻咩嘛。

坐完落番嚟發覺又有一間挾公仔鋪頭，於是我哋又再次去試過喇。

結果傻佬幾經辛苦，終於挾到就一隻大 BB 版嘅 Pluto 俾傻咩喇！
多謝晒傻佬！

挾完公仔都已經 20:30，但係我哋又唔係好肚餓喎，所以我哋就決定番酒店先喇。
於是我哋就去到哩個東京テレポ一ト駅到搭りんかい/JR埼京線直通車番去新宿喇。

番到酒店放低我哋嘅戰利品之後，我哋就出去搵嘢食喇。

喺唔知去邊嘅情況之下，我哋又再次去到酒店對面嘅高島屋搵嘢食喇。
兜咗個圈，我哋就決定去哩間むぎ万饂飩割烹度食烏冬。

不過就要等位，好彩都係等咗大概 5-10 分鐘左右。

傻佬就叫咗個温かい天婦羅うどん。

而傻咩就叫咗個冷たい豚つけ汁うどん。

傻咩覺得好好食喇。

食完都已經差唔多成 22:00，所以我哋就番酒店喇，因為我哋仲要執行李準備聽日 check-out。

執嘢之前，傻佬話要學人哋影番張戰利品合照喎。

傻佬嘅。。。

傻咩嘅。。。

～＊～～～～＊＊～～～～～＊＊＊～～～～～＊＊～～～～＊～

上一篇：2008 聖誕．香港 + 東京之旅 ~ Day 7 (DisneySea)

下一篇： 2008 聖誕．香港 + 東京之旅 ~ Day 9 (原宿 + 成田空港)