～＊～～～～＊＊～～～～～＊＊＊～～～～～＊＊～～～～＊～
2008 聖誕．香港 + 東京之旅 ~ Day 2
2008-12-13
Saturday
～＊～～～～＊＊～～～～～＊＊＊～～～～～＊＊～～～～＊～
傻咩 jetlag 吖，3點幾就已經醒咗。
仲攪到連傻佬都冇得瞓添。
咁早起身唔知有啲咩好做，而傻佬又有啲肚餓，所以我哋 06:00 左右就落咗街去 McDonDon 食早餐。
真係估唔到原來都有唔小人咁早嚟 McDonDon 度食早餐架喎。
食完我哋見冇乜可以做，所以就去咗隔離嘅尖沙咀海旁行吓同埋影相。傻咩嚟過咁多次海港城門口，真係從來未見過會冷清成咁。
然後我哋就沿住海旁一路行過去香港文化中心同埋香港藝術館嗰邊行吓，影吓對面岸。
行到去香港藝術館發覺好似冇乜嘢好行，所以我哋就調轉頭番去酒店先喇。
番咗酒店就唞番陣先。
大概 08:00 左右，我哋就決定不如早啲執埋啲行李 check-out。
寄存咗啲行李喺酒店之後，我哋就行去碼頭搭天星小輪過海去中環嗰邊。
傻咩都係第一次嚟到哩個新嘅中環碼頭。
跟住再轉地鐡去銅鑼灣。
傻佬就話想去傻咩以前學校度睇吓，所以我哋就行咗過去係外圍兜咗個圈。
之後就順便過咗去香港中央圖書館。
但係就未開門，仲有成大半個鐘先至開門。
但係已經有成廿個人喺到等緊佢開門。
其實我哋已經行到都好攰喇，不過又唔知去邊去。
最後我哋行行吓就去咗 Times Square。
點知 instead of 好多嘅聖誕裝飾，我哋見到嘅係哩啲裝飾。
唔知有咩咁特別呢？
後嚟發覺咁行法都係唔掂，點得嚟捱到今晚搭零晨機？
於是我哋就決定去搵套戲睇吓喇。
At least 有得坐吓！
結果我哋就揀咗睇 Keanu Reeves 嘅 The Day The Earth Stood Still (地球停轉日)。
因為傻咩真係好眼瞓嘅關係，再加上哩套真係唔係咁掂，睇睇吓傻咩就恰著咗。
出番嚟同傻佬講番，原來佢都有恰咗一陣。
好彩我哋係用佢嚟攝時間，如果唔係真係非常之嘥錢！
終於捱到可以去機場。
雖然我哋係搭零晨機，但係我哋今朝已經 check-out 咗酒店，加上又冇乜邊度想去，所以我哋 21:30 左右就已經去到機場。
但係班機要 02:05 先起飛，所以要 23:00 之後先可以 check-in。
之前嗰晚瞓得唔好，所以傻咩坐坐吓就瞓着咗喇。
然後就梗係俾傻佬話啦。
對唔住呀傻佬，傻咩係咁瞓，攪到傻佬要睇住晒啲行李。
終於傻咩唔知瞓咗幾多覺之後，未夠 23:00，傻咩就發覺嗰 JAL counter 終於開咗喇！
所以我哋就嗱嗱臨埋去放低咗件寄艙行李先。
其實傻咩今朝已經一早做咗網上 check-in 架喇，所以只係需要攞 boarding pass 同埋放低啲行李就攪掂。
終於一身鬆晒！
跟住我哋就即刻過關。
傻佬想食啲嘢，所以去咗 food court 兜咗個圈，傻佬最後揀咗食大家樂。
醫飽咗嗰肚之後發覺啲鋪頭都閂晒門，再加上傻咩仲未瞓夠，所以就即刻去到第 21 號閘口繼續瞓。
傻咩去到閘口都掛住瞓，所以一張相都冇影過。
而傻佬就好似食完野有番晒精力，淨係攞住傻咩嗰 iPod Touch 係度打機。
大概 01:30 左右，我哋終於可以上機喇！
～＊～～～～＊＊～～～～～＊＊＊～～～～～＊＊～～～～＊～
上一篇：2008 聖誕．香港 + 東京之旅 ~ Day 1 (YMCA Salsbury)
下一篇：2008 聖誕．香港 + 東京之旅 ~ Day 3 (羽田空港 + 三鷹の森 + 新宿)
2008 聖誕．香港 + 東京之旅 ~ Day 2
2008-12-13
Saturday
～＊～～～～＊＊～～～～～＊＊＊～～～～～＊＊～～～～＊～
傻咩 jetlag 吖，3點幾就已經醒咗。
仲攪到連傻佬都冇得瞓添。
咁早起身唔知有啲咩好做，而傻佬又有啲肚餓，所以我哋 06:00 左右就落咗街去 McDonDon 食早餐。
真係估唔到原來都有唔小人咁早嚟 McDonDon 度食早餐架喎。
食完我哋見冇乜可以做，所以就去咗隔離嘅尖沙咀海旁行吓同埋影相。傻咩嚟過咁多次海港城門口，真係從來未見過會冷清成咁。
然後我哋就沿住海旁一路行過去香港文化中心同埋香港藝術館嗰邊行吓，影吓對面岸。
行到去香港藝術館發覺好似冇乜嘢好行，所以我哋就調轉頭番去酒店先喇。
番咗酒店就唞番陣先。
大概 08:00 左右，我哋就決定不如早啲執埋啲行李 check-out。
寄存咗啲行李喺酒店之後，我哋就行去碼頭搭天星小輪過海去中環嗰邊。
傻咩都係第一次嚟到哩個新嘅中環碼頭。
跟住再轉地鐡去銅鑼灣。
傻佬就話想去傻咩以前學校度睇吓，所以我哋就行咗過去係外圍兜咗個圈。
之後就順便過咗去香港中央圖書館。
但係就未開門，仲有成大半個鐘先至開門。
但係已經有成廿個人喺到等緊佢開門。
其實我哋已經行到都好攰喇，不過又唔知去邊去。
最後我哋行行吓就去咗 Times Square。
點知 instead of 好多嘅聖誕裝飾，我哋見到嘅係哩啲裝飾。
唔知有咩咁特別呢？
後嚟發覺咁行法都係唔掂，點得嚟捱到今晚搭零晨機？
於是我哋就決定去搵套戲睇吓喇。
At least 有得坐吓！
結果我哋就揀咗睇 Keanu Reeves 嘅 The Day The Earth Stood Still (地球停轉日)。
因為傻咩真係好眼瞓嘅關係，再加上哩套真係唔係咁掂，睇睇吓傻咩就恰著咗。
出番嚟同傻佬講番，原來佢都有恰咗一陣。
好彩我哋係用佢嚟攝時間，如果唔係真係非常之嘥錢！
終於捱到可以去機場。
雖然我哋係搭零晨機，但係我哋今朝已經 check-out 咗酒店，加上又冇乜邊度想去，所以我哋 21:30 左右就已經去到機場。
但係班機要 02:05 先起飛，所以要 23:00 之後先可以 check-in。
之前嗰晚瞓得唔好，所以傻咩坐坐吓就瞓着咗喇。
然後就梗係俾傻佬話啦。
對唔住呀傻佬，傻咩係咁瞓，攪到傻佬要睇住晒啲行李。
終於傻咩唔知瞓咗幾多覺之後，未夠 23:00，傻咩就發覺嗰 JAL counter 終於開咗喇！
所以我哋就嗱嗱臨埋去放低咗件寄艙行李先。
其實傻咩今朝已經一早做咗網上 check-in 架喇，所以只係需要攞 boarding pass 同埋放低啲行李就攪掂。
終於一身鬆晒！
跟住我哋就即刻過關。
傻佬想食啲嘢，所以去咗 food court 兜咗個圈，傻佬最後揀咗食大家樂。
醫飽咗嗰肚之後發覺啲鋪頭都閂晒門，再加上傻咩仲未瞓夠，所以就即刻去到第 21 號閘口繼續瞓。
傻咩去到閘口都掛住瞓，所以一張相都冇影過。
而傻佬就好似食完野有番晒精力，淨係攞住傻咩嗰 iPod Touch 係度打機。
大概 01:30 左右，我哋終於可以上機喇！
～＊～～～～＊＊～～～～～＊＊＊～～～～～＊＊～～～～＊～
上一篇：2008 聖誕．香港 + 東京之旅 ~ Day 1 (YMCA Salsbury)
下一篇：2008 聖誕．香港 + 東京之旅 ~ Day 3 (羽田空港 + 三鷹の森 + 新宿)
No comments:
Post a Comment