～＊～～～～＊＊～～～～～＊＊＊～～～～～＊＊～～～～＊～
2008 聖誕．香港 + 東京之旅 ~ Day 5
2008-12-16
Tuesday
～＊～～～～＊＊～～～～～＊＊＊～～～～～＊＊～～～～＊～
原定行程
新宿 → 築地 → 皇居 → 銀座 → 汐留 → 六本木 → 神谷町 → 新宿
實際行程
新宿 → 築地 → 汐留 → 新宿 → 皇居 → 銀座 → 汐留 → 六本木 → 神谷町 → 新宿
住宿
Hotel Century Southern Tower
～＊～～～～＊＊～～～～～＊＊＊～～～～～＊＊～～～～＊～
嚟到我哋旅程嘅第三日，亦都係我哋最早起身嘅一日。
因為我哋要一早 05:00左右就起身，去築地市場食新鮮寿司做早餐。
我哋大概 05:50 左右就出門口。
離開咗酒店之後就行咗去都営地下鉄新宿駅度搭都営大江戸線。
大概20分鐘左右就嚟到築地巿場駅。
唔知係唔係太早，傻咩完全冇晒方向感，兜咗個圈先搵到場內巿場嘅入口。
其實一路都未決定去邊間。
嚟到場內巿場嘅6號館，見到寿司大已經有人等緊，而大和寿司因為有兩間鋪位而唔使等，所以最終我哋就揀咗去大和。
寿司師傅見到我哋係外國人，就主動 suggest 我地叫 set。
真係估唔到地方咁細小嘅一個鋪位，居然可以容納超過10個客人再加4個師傅。
因為之前睇書話過唔記得大和定係寿司大係唔俾影相，所以傻咩連相機都唔敢攞出嚟。
因為冇影相，而傻咩啲失憶症又發作，所以已經唔係好記得食咗啲乜嘢喇。
淨係記得食過一件好好好美味嘅海膽寿司。
傻佬仲係咁 suggest 傻咩叫多件添。
不過傻咩最終都冇咁做，因為怕冇咁好食喇，再加上傻咩都飽喇。
傻佬同傻咩都覺得超好食，真係食飽都仲想再食。
不過為咗唔好霸住人地啲位，我地好快咁食完就走咗。
埋單發覺都幾貴喇，兩個人兩 set 都要成 7XXX円，不過傻咩就梗係覺得抵食喇。
因為傻咩太鐘意食魚生同寿司，再加上冇乜幾何有啲咁新鮮嘅魚生同寿司食嘛。 因為之前唔使等位，所以食完出嚟都只不過係 07:00 左右。
出番嚟就影番幾張門口嘅相。
然後就喺場內巿場周圍行吓，影吓相。
成日都見到哩啲車仔行嚟行去，好唔容易先見到架有貨冇人嘅俾傻咩影吓相。
然後就去咗場外巿場度兜番個圈。
都係啲唔同嘅寿司鋪頭，不過大部份都好似未開門。
當然仲有啲賣海産或者賣紀念品嘅鋪頭喇。
然後就過咗去築地本願寺到兜咗個圈。
本來以為要等好耐位，所以諗住會喺築地留到9點左右。
點知我哋完全唔使等，攪到太早食完嘢，所以完全唔可以跟住原定行程嚟行。
未夠8點就行咗過去汐留，我哋首先去咗 Caretta 汐留先。
太早，冇得入去，所以我哋就去咗亀の噴水，不過太早就未有噴泉睇。
然後我哋就過咗去日本電視台。
沿途仲見到好多聖誕裝飾。
仲見到麵包超人。
仲見到宮崎駿デザインの日テレ大時計添。
08:30 左右就已經發覺冇地方可以行，所以就係汐留駅搭番都営大江戸線番去新宿駅，番酒店先唞番陣先。
09:30 左右，我哋就再次出發去我地嘅下一個目的地 － 皇居。
因為冇車直接由新宿駅去到最近皇居嘅駅，所以我哋就搭JR山手線去到東京駅，然後行過去皇居東御苑。
本來以為要行好耐先到，點知大概10分鐘左右就已經嚟到皇居東御苑外面嘅大手門入口。
嚟到門口就去 counter 度攞番嗰入場牌先。
然後就跟住張地圖行咗個圈。
環境好靚，好清靜。
頭先喺東京駅行過嚟經過咁多商業大廈，真係估唔到喺哩啲商業區隔離可以有啲咁空曠，咁綠嘅地方。
連 Big Toe 同埋 Moxy 都話哩度好大，要睇吓個 map 喎。
走之前先記得要影番張入園票。
離開咗咁優雅嘅地方，我哋就去咗附近嘅另一個商業區 － 銀座。
嚟到銀座，我哋首先就去搵傻佬 request 要去嘅あさぎ天ぷら。
但係唔知點解搵嚟搵去都搵唔到。
我哋又唔知去邊度食嘢好喎，所以就週圍行吓先。
後嚟我哋就入咗去 Sony Building 行吓先。
點知又俾我哋冇意中發現到一間天一天ぷら。
我地入到去先發覺原來一個人都冇，不過我哋都冇縮沙。
後嚟佢地俾咗份 pamphlet 我地睇先知，原來哩間天一都好出名，仲有作20間分店添。
睇咗嗰 menu 一陣，我哋就決定叫兩個一樣嘅成個 menu 入面最平只係價值 4200円名為"梅"嘅餐。
哩個餐包括：兩件車海老、一件鯒魚、一件山女魚、兩件椎茸、兩件アスパラガス（蘆筍）、一件かき揚。
仲有一份和風サラダ（salad）、一份お新香、一碗味噌湯、同埋一碗飯。
最可惜嘅係我哋坐喺師傅嘅前面，所以影唔到師傅嘅架部。
食完出嚟就影番個門口同埋 menu 留為紀念。
之後我哋就上咗去樓上嘅 Sony 展覽館到兜番個圈睇吓係啲乜東東。
真係好係咁咦睇吓喇，因為唔係好啱睇。
然後就行咗過去 Apple store。
不過傻佬話唔使入去啵，所以話咁快我哋就調番轉頭行去汐留。
途經一間玩具鋪，入去打咗個轉，但係睇唔仲嘢喇。
要再去過汐留係因為傻咩要去日本テレビ夕ワ一到影番個宮崎駿デザインの日テレ大時計嘅 video。
但過到去發覺要等大半個鐘先至開始，所以就去 Caretta 汐留嘅 Starbucks 度hea吓先同埋唞吓。
影完就再一次搭都営大江戸線去六本木。
我哋今次嘅行只係包括六本木ヒルズ，而唔會去東京ミッドタウン嗰邊。
我哋首先就去咗影吓隻高10米嘅大蜘蛛。
見仲未天黑，我哋就過咗去テレビ朝日到兜個圈同埋搵叮噹影吓相先。
點知徐咗見叮噹仲見到好大張赤壁2嘅 poster，有梁朝偉同埋金城武。
睇完叮噹就過番去六本木ヒルズ森夕ワ一，上去 Tokyo City View，哩個亦都係傻咩嚟六本木嘅最終目的。
我哋買咗 Mori Art Museum 同埋 Tokyo City View 嘅套票，其實我哋對 Mori Art Museum 冇乜興趣，但係好似買套票抵啲。
上到去嘅時候已經差唔多4點半，亦都係 Mori Art Museum 嘅 last admission 時間，所以我哋第一時間去咗53樓嘅 Mori Art Museum 度兜咗圈先。
唔知係唔係唔識得欣賞嘅關係，我哋唔使10分鐘就行完。
跟住就即刻落番52樓嘅 Tokyo City View 度影相。
傻咩雖然冇靚相機，但係一樣影得好開心。
喺52樓度兜咗圈之後，我哋就排隊搭 lift 上去54樓嘅 Sky Deck。
上去之前所有人都要放晒啲除身物品入去 locker 先。
上到去就明點解，上面真係好大風，而且天又黑，真係會跌咗啲嘢都唔知。
又係行咗個圈影咗啲相，我哋就落番去52樓。
其實 Sky Deck 上面有專人幫你影相，仲係用好靚嘅東京鐡塔夜景做背景添，不過就梗係要收錢喇，而我哋就梗係冇影啦。
因為實在太大風，我哋影完晒相就即刻閃，冇留低再行吓。
落番去地面我哋就行去東京メトロ嘅六本木駅到搭日比谷線去神谷町駅，然後就行去 Hotel Okura。
因為傻咩計劃咗去哩間酒店入面嘅さざんか鉄板燒度食和牛。
可能因為傻咩搵番嚟嘅地圖唔係咁清楚，所以我哋出錯咗出口，又兜咗個圈先搵到正確嘅方向。
再行多大概10分鐘左右，我哋終於嚟到酒店嘅大堂。
點知原來我哋入去嗰棟係 Hotel Okura。
不過就有一位好好嘅酒店職員教我哋點樣過番去嗰 main building 度。
去到先發覺冇位喎。
傻咩冇事前訂定位真係失敗。
不過好彩，因為我哋仲有幾日先走，所以我哋仲可訂定位兩日之後再嚟過。
行得咁辛苦又唔知食乜好啵，所以我哋就行番去神谷町駅搭日比谷線去到六本木駅再轉都営大江戸線番去新宿酒店先喇。
唞番陣，我哋就過咗去對面嘅高島屋度搵嘢食。
兜咗個圈，我哋就決定再試過中村屋，睇吓哩間會唔會好食啲。
結果發現真係比上次嗰間好食多多聲，唔知係唔係我哋上次叫嘅嘢食咁啱係唔好食嘅呢？
食完我地去咗 HMV，因為傻佬要搵 Flow 嘅 CD。
最後傻佬買咗一隻Flow同埋一隻 Coldplay 嘅 CD。
買完就番去酒店瞓覺喇，今朝咁早起身，又行咗咁多路，傻咩真係又攰又眼瞓。
～＊～～～～＊＊～～～～～＊＊＊～～～～～＊＊～～～～＊～
上一篇：2008 聖誕．香港 + 東京之旅 ~ Day 4 (原宿 + 渋谷)
下一篇：2008 聖誕．香港 + 東京之旅 ~ Day 6 (Disneyland)
2008 聖誕．香港 + 東京之旅 ~ Day 5
2008-12-16
Tuesday
～＊～～～～＊＊～～～～～＊＊＊～～～～～＊＊～～～～＊～
原定行程
新宿 → 築地 → 皇居 → 銀座 → 汐留 → 六本木 → 神谷町 → 新宿
實際行程
新宿 → 築地 → 汐留 → 新宿 → 皇居 → 銀座 → 汐留 → 六本木 → 神谷町 → 新宿
住宿
Hotel Century Southern Tower
～＊～～～～＊＊～～～～～＊＊＊～～～～～＊＊～～～～＊～
嚟到我哋旅程嘅第三日，亦都係我哋最早起身嘅一日。
因為我哋要一早 05:00左右就起身，去築地市場食新鮮寿司做早餐。
我哋大概 05:50 左右就出門口。
離開咗酒店之後就行咗去都営地下鉄新宿駅度搭都営大江戸線。
大概20分鐘左右就嚟到築地巿場駅。
唔知係唔係太早，傻咩完全冇晒方向感，兜咗個圈先搵到場內巿場嘅入口。
其實一路都未決定去邊間。
嚟到場內巿場嘅6號館，見到寿司大已經有人等緊，而大和寿司因為有兩間鋪位而唔使等，所以最終我哋就揀咗去大和。
寿司師傅見到我哋係外國人，就主動 suggest 我地叫 set。
真係估唔到地方咁細小嘅一個鋪位，居然可以容納超過10個客人再加4個師傅。
因為之前睇書話過唔記得大和定係寿司大係唔俾影相，所以傻咩連相機都唔敢攞出嚟。
因為冇影相，而傻咩啲失憶症又發作，所以已經唔係好記得食咗啲乜嘢喇。
淨係記得食過一件好好好美味嘅海膽寿司。
傻佬仲係咁 suggest 傻咩叫多件添。
不過傻咩最終都冇咁做，因為怕冇咁好食喇，再加上傻咩都飽喇。
傻佬同傻咩都覺得超好食，真係食飽都仲想再食。
不過為咗唔好霸住人地啲位，我地好快咁食完就走咗。
埋單發覺都幾貴喇，兩個人兩 set 都要成 7XXX円，不過傻咩就梗係覺得抵食喇。
因為傻咩太鐘意食魚生同寿司，再加上冇乜幾何有啲咁新鮮嘅魚生同寿司食嘛。 因為之前唔使等位，所以食完出嚟都只不過係 07:00 左右。
出番嚟就影番幾張門口嘅相。
然後就喺場內巿場周圍行吓，影吓相。
成日都見到哩啲車仔行嚟行去，好唔容易先見到架有貨冇人嘅俾傻咩影吓相。
然後就去咗場外巿場度兜番個圈。
都係啲唔同嘅寿司鋪頭，不過大部份都好似未開門。
當然仲有啲賣海産或者賣紀念品嘅鋪頭喇。
然後就過咗去築地本願寺到兜咗個圈。
本來以為要等好耐位，所以諗住會喺築地留到9點左右。
點知我哋完全唔使等，攪到太早食完嘢，所以完全唔可以跟住原定行程嚟行。
未夠8點就行咗過去汐留，我哋首先去咗 Caretta 汐留先。
太早，冇得入去，所以我哋就去咗亀の噴水，不過太早就未有噴泉睇。
然後我哋就過咗去日本電視台。
沿途仲見到好多聖誕裝飾。
仲見到麵包超人。
仲見到宮崎駿デザインの日テレ大時計添。
08:30 左右就已經發覺冇地方可以行，所以就係汐留駅搭番都営大江戸線番去新宿駅，番酒店先唞番陣先。
09:30 左右，我哋就再次出發去我地嘅下一個目的地 － 皇居。
因為冇車直接由新宿駅去到最近皇居嘅駅，所以我哋就搭JR山手線去到東京駅，然後行過去皇居東御苑。
本來以為要行好耐先到，點知大概10分鐘左右就已經嚟到皇居東御苑外面嘅大手門入口。
嚟到門口就去 counter 度攞番嗰入場牌先。
然後就跟住張地圖行咗個圈。
環境好靚，好清靜。
頭先喺東京駅行過嚟經過咁多商業大廈，真係估唔到喺哩啲商業區隔離可以有啲咁空曠，咁綠嘅地方。
連 Big Toe 同埋 Moxy 都話哩度好大，要睇吓個 map 喎。
走之前先記得要影番張入園票。
離開咗咁優雅嘅地方，我哋就去咗附近嘅另一個商業區 － 銀座。
嚟到銀座，我哋首先就去搵傻佬 request 要去嘅あさぎ天ぷら。
但係唔知點解搵嚟搵去都搵唔到。
我哋又唔知去邊度食嘢好喎，所以就週圍行吓先。
後嚟我哋就入咗去 Sony Building 行吓先。
點知又俾我哋冇意中發現到一間天一天ぷら。
我地入到去先發覺原來一個人都冇，不過我哋都冇縮沙。
後嚟佢地俾咗份 pamphlet 我地睇先知，原來哩間天一都好出名，仲有作20間分店添。
睇咗嗰 menu 一陣，我哋就決定叫兩個一樣嘅成個 menu 入面最平只係價值 4200円名為"梅"嘅餐。
哩個餐包括：兩件車海老、一件鯒魚、一件山女魚、兩件椎茸、兩件アスパラガス（蘆筍）、一件かき揚。
仲有一份和風サラダ（salad）、一份お新香、一碗味噌湯、同埋一碗飯。
最可惜嘅係我哋坐喺師傅嘅前面，所以影唔到師傅嘅架部。
食完出嚟就影番個門口同埋 menu 留為紀念。
之後我哋就上咗去樓上嘅 Sony 展覽館到兜番個圈睇吓係啲乜東東。
真係好係咁咦睇吓喇，因為唔係好啱睇。
然後就行咗過去 Apple store。
不過傻佬話唔使入去啵，所以話咁快我哋就調番轉頭行去汐留。
途經一間玩具鋪，入去打咗個轉，但係睇唔仲嘢喇。
要再去過汐留係因為傻咩要去日本テレビ夕ワ一到影番個宮崎駿デザインの日テレ大時計嘅 video。
但過到去發覺要等大半個鐘先至開始，所以就去 Caretta 汐留嘅 Starbucks 度hea吓先同埋唞吓。
影完就再一次搭都営大江戸線去六本木。
我哋今次嘅行只係包括六本木ヒルズ，而唔會去東京ミッドタウン嗰邊。
我哋首先就去咗影吓隻高10米嘅大蜘蛛。
見仲未天黑，我哋就過咗去テレビ朝日到兜個圈同埋搵叮噹影吓相先。
點知徐咗見叮噹仲見到好大張赤壁2嘅 poster，有梁朝偉同埋金城武。
睇完叮噹就過番去六本木ヒルズ森夕ワ一，上去 Tokyo City View，哩個亦都係傻咩嚟六本木嘅最終目的。
我哋買咗 Mori Art Museum 同埋 Tokyo City View 嘅套票，其實我哋對 Mori Art Museum 冇乜興趣，但係好似買套票抵啲。
上到去嘅時候已經差唔多4點半，亦都係 Mori Art Museum 嘅 last admission 時間，所以我哋第一時間去咗53樓嘅 Mori Art Museum 度兜咗圈先。
唔知係唔係唔識得欣賞嘅關係，我哋唔使10分鐘就行完。
跟住就即刻落番52樓嘅 Tokyo City View 度影相。
傻咩雖然冇靚相機，但係一樣影得好開心。
喺52樓度兜咗圈之後，我哋就排隊搭 lift 上去54樓嘅 Sky Deck。
上去之前所有人都要放晒啲除身物品入去 locker 先。
上到去就明點解，上面真係好大風，而且天又黑，真係會跌咗啲嘢都唔知。
又係行咗個圈影咗啲相，我哋就落番去52樓。
其實 Sky Deck 上面有專人幫你影相，仲係用好靚嘅東京鐡塔夜景做背景添，不過就梗係要收錢喇，而我哋就梗係冇影啦。
因為實在太大風，我哋影完晒相就即刻閃，冇留低再行吓。
落番去地面我哋就行去東京メトロ嘅六本木駅到搭日比谷線去神谷町駅，然後就行去 Hotel Okura。
因為傻咩計劃咗去哩間酒店入面嘅さざんか鉄板燒度食和牛。
可能因為傻咩搵番嚟嘅地圖唔係咁清楚，所以我哋出錯咗出口，又兜咗個圈先搵到正確嘅方向。
再行多大概10分鐘左右，我哋終於嚟到酒店嘅大堂。
點知原來我哋入去嗰棟係 Hotel Okura。
不過就有一位好好嘅酒店職員教我哋點樣過番去嗰 main building 度。
去到先發覺冇位喎。
傻咩冇事前訂定位真係失敗。
不過好彩，因為我哋仲有幾日先走，所以我哋仲可訂定位兩日之後再嚟過。
行得咁辛苦又唔知食乜好啵，所以我哋就行番去神谷町駅搭日比谷線去到六本木駅再轉都営大江戸線番去新宿酒店先喇。
唞番陣，我哋就過咗去對面嘅高島屋度搵嘢食。
兜咗個圈，我哋就決定再試過中村屋，睇吓哩間會唔會好食啲。
結果發現真係比上次嗰間好食多多聲，唔知係唔係我哋上次叫嘅嘢食咁啱係唔好食嘅呢？
食完我地去咗 HMV，因為傻佬要搵 Flow 嘅 CD。
最後傻佬買咗一隻Flow同埋一隻 Coldplay 嘅 CD。
買完就番去酒店瞓覺喇，今朝咁早起身，又行咗咁多路，傻咩真係又攰又眼瞓。
～＊～～～～＊＊～～～～～＊＊＊～～～～～＊＊～～～～＊～
上一篇：2008 聖誕．香港 + 東京之旅 ~ Day 4 (原宿 + 渋谷)
下一篇：2008 聖誕．香港 + 東京之旅 ~ Day 6 (Disneyland)
No comments:
Post a Comment